UWEPO WA MUNGU UMEJIDHIHIRISHA KATIKA MKESHA WA SIFA NA MAOMBEZI NDANI YA KANISA LA MLIMA WA MOTO

Watangazaji wa Praise Power Radio -  Hudson Kamoga sambamba na Veronica Frank

 Veronica na Hudson wakimtambulisha James

Boniface Magupa, George Mpella na watu mbalimbali wakiwa makini kabisa

Joyce Charles, Lista, Tina Mtua, James, George Mpella, Magupa wakiwa wametulia katika uwepo wa Bwana

mamia ya watu wakiongozwa sala ya toba

Watu wakifunguliwa kutoka katika vifungo vya ibilisi

 

KESHA KILA IJUMAA YA MWISHO WA MWEZI NA PRAISE POWER RADIO

HAKIKA NI ZAIDI YA MKESHA

Maelfu ya watu wamekuwa wakihudhuria mkesha huo wa Ijumaa ya kila mwisho wa mwezi. Ni mkesha unaoandaliwa na kituo cha Praise power Radio wakishirikiana na kanisa  la Mlima wa moto.

Ni mkesha uliojaa matendo makuu ya Mungu, shuhuda zinazogusa mioyo ya watu pamoja na kipindi cha sifa ambapo kwaya, vikundi mbalimbali pamoja na waimbaji binafsi huongoza sifa.

Pia kikundi kipya cha sifa kinachoongozwa na mwalimu John Shabani, kimekuwa gumzo katika mikesha hiyo. Kikundi hicho kinachoendelea kujifua kila wiki ndani ya kanisa la mlima wa moto, kimeendelea kupongezwa kwa kufanya vizuri.

Ijumaa hii, imekuwa ni ijumaa ya kipekee; tumeshuhudia mamia  ya watu wakimpokea Bwana YESU. Pamoja na shuhuda mbalimbali, lakini ushuhuda wa kijana JAMES, kijana aliye ibuliwa na kipindi cha Rise and Shine cha Praise Power radio; umekuwa ni ushuhuda wa kipekee. James ni kijana aliyetupwa na mama yake mzazi akiwa mototo mchanga. Aliokotwa akiwa ndani ya box huku mbwa wakigombea box hilo. Mpaka sasa James, yeye ndiye baba, yeye ndiye mama nay eye ndiye ukoo. Lakini uongozi wa Praise power Radio na Mlima wa moto wameamua kusimama na James. Ni kijana ambaye bado anahitaji msaada wa kibinadamu; hivyo hata wewe waweza ukatoa chochote kwa ajili ya maisha ya James.

Watu wa aina mbalimbali wamekuwa gumzo katika mkesha huo. Hatuwezi kuwataji wote, lakini hawa ni wachache tu:

Godwin Gondwe

Amefafanua mambo mengi likiwepo la kanisa kujikita na kutumia zaidi  mitandao ya kijamii ambayo mambo mengi yanayoonekana humo ni  ya kukipotosha kizazi chetu. Mitandao hiyo ni kama: Facebook, Blogs, Websites, Whatsup, Youtube, Twitter, Skype na kadhalika.

Addo November:

Kipindi chake cha kuijua sheria kinachoendeshwa na Rise and Shine ya Praise power Radio, kimewasaidia watanzania wengi kujua sheria ya nchi, sheria ya kimataifa na haki za kila mmoja.

Hakika, wazo hili la kuwa na mkesha unaowakutanisha watu wa dini zote na madhehebu yote, watu wa rika zote na makabila yote; ni wazo la kupongezwa na kutiwa moyo.

Pongezi siwafikie Uongozi wa Praise powe radio (George Mpela, Igokolo, Hudson Kamoga, Veronika Frenk, Tina Mtua, Victor Aron, Joyce Charles, John Kisaka, Erick Briton, Frida Kimambo Mtue, Joseph Handrick, Mama Martha, mzee kibona, Lista n.k)

Uongozi wa Mlima wa Moto chini mbeba maono na mchungaji kiongozi wa Mlima wa moto, Dr. Getrude Pangalile Rwakatare.